Ditën e sotme një ngjarje e rëndë tronditi Fierin. Mësohet se 3 djem, tashmë në prangat e policisë kanë rrëmbyer dhe më pas kanë tentuar të përdhunojnë një 13 vjeçare. Vajza është çuar me forcë në një banesë të braktisur, dhe është gjendur e lidhur nga familjarët.
Në një moment, tre autorët e rrëmbimit kanë dëgjuar babain e vajzës që kërkonte të bijën dhe janë larguar me vrap nga shtëpia. 13 vjeçarja u gjet e traumatizuar.
Prindërit e të miturës, kanë rrëfyer momentet se si e kanë gjetur vajzën e tyre të lidhur dhe në gjendje të rëndë emocionale.
“Mora vesh që nuk ishte çupa në dhomë. I kishin shtruar batanijen, i kishin bërë vendin atje ata. Çupën e gjeti gruaja atje poshtë. Ishte e lidhur, do ta përdhunonin, nuk ka kuptim, për atë e kishin marrë ata. Kur iu afrova unë, ata ikën me vrapë nga dritarja ishin tre. Janë nga fshati Arapaj këtu. Vajza ishte e lidhur nga duart edhe goja, këmbët jo. E kishin lidhur në fyt dhe i kishin futur një leckë në gojë. E gjeti gruaja, erdhi policia, na mori edhe ne me vete, e çuan në spital e vizituan të tëra me të ëmën” tregoi babai i vajzës.
