Një tentativë për grabitjen paraditen e sotme të një automjeti në bulevardin e Kasharit, është parandaluar nga policia.
Uniformat blu kanë vënë në pranga një 28-vjeçar, i cili tentoi të grabiste një automjet “Mercedes Benz G-Class” të parkuar në rrugë.
Gjatë kohës së ndërhyrjes, i riu, ka kundërshtuar më dhunë dhe goditur punonjësit e Policisë
“Shërbimet e Komisariatit të Policisë Nr. 6, gjatë patrullimit në terren për garantimin e rendit dhe sigurisë, ditën e sotme, rreth orës 11:10, në bulevardin e Kasharit, kanë konstatuar një shtetas i cili po tentonte të vidhte një automjet.
Shërbimet e Policisë kanë ndërhyrë menjëherë duke parandaluar vjedhjen e automjetit, dhe kanë arrestuar shtetasin D. S., 28 vjeç, banues në Tiranë, i cili gjatë kohës së ndërhyrjes ka kundërshtuar më dhunë dhe goditur punonjësit e Policisë, për shkak të detyrës”-njofton policia./Opinion.al
