Një ngjarje e rëndë ndodhi paraditen e kësaj e të marte, në Rrëshen, ku një person u qëllua për vdekje në rrethana ende të paqarta. Viktima është identifikuar si Martin Bardhi, ndërsa raportohet se kishte vetëm pak kohë që kishte dalë nga burgu.
Martin Bardhi u arrestua në muajin Mars të këtij viti pasi u akuzua se qëlloi me armë drejt makinës së nipit të Kastriot Reçin, Saimir Reçi.
Në konflikt fillimisht u përfshi djali i Martin Bardhit, Enrik Bardhi dhe Saimir Reçi. Shkak ishte parakalimi me makinë në rrugën kryesore të qytetit.
Nga tërësia e veprimeve hetimore rezultoi se Saimir Reçi dhe Enrik Bardhi zbritën nga automjetet dhe u përplasën fizikisht me njëri-tjetrin në mes të qytetit.
Më pas, Enrik Bardhi ka shkuar në banesë dhe së bashku me të atin, Martin Bardhi kanë marrë një armë zjarri pistoletë dhe kanë qëlluar në drejtim të automjetit me të cilin lëvizte Saimir Reçi, nipi i Kastriot Reçit, pronarit të televizionit lokal në Lezhë, i vrarë me snajper në muajin janar të vitit 2021 në Rrëshen.
Autorët qëlluan në një distancë të afërt në anën e shoferit të BMW, por mjeti i blinduar e shpëtoi të riun Reçi pa marrë lëndime.
