Një 27-vjeçare ka tentuar të vetëmbytet në lumin e Bunës së bashku me katër fëmijët e saj të mitur, por fatmirësisht është penguar në kohë nga policia.
Detaje të reja janë zbardhur nga ngjarja e rëndë, e cila mund të ishte një tragjedi e dytë e përsëritur brenda pak muajsh.
Mësohet se 27-vjeçarja ishte ndarë nga bashkëshorti prej pak kohësh dhe jetonte te prindërit së bashku me fëmijët 7, 5, 3 dhe 1 vjeç. Ndërkohë që muajt e fundit gruaja ka shfaqur një gjendje shumë të rënduar psikologjike.
E reja dyshohet se përpara se të kryente aktin e rëndë, ka telefonuar një familjarin e saj për t’i dhënë lamtumirën. Kjo e fundit ka lajmëruar menjëherë policinë, ku patrulla fatmirësisht ka qenë shumë afër dhe ka ndërhyrë duke e ndaluar gruan.
Ata u shoqëruan në ambientet e Komisariatit të Policisë Shkodër.
