Policia e Tiranës ka arrestuar një 42-vjeçar, pasi ka tentuar të mashtrojë biznesmen duke u prezantuar si zyrtar i lartë me qëllim që të përfitonte 200 mijë euro.
Policia deklaron se shtetasi i arrestuar është identifikuar si Arjan Ballcaj, banues në Kamëz.
Autoritetet po punojnë për identifikimin dhe kapjen e personave të tjerë të implikuar në këtë veprimtari kriminale. Në cilësinë e provës materiale u sekuestrua 1 automjet dhe 1 celular.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
