Policia e Durrësit ka arrestuar një 36-vjeçar, pasi tentoi të nxjerrë nga Shqipëria 223 200 euro pa i deklaruar në pikën kufitare.
36-vjeçari, rezident në Itali i kishte fshehur paratë në çantën e shpinës.
Policia ka sekuestruar 223 200 eurot e dyshuara si produkt i veprimtarive kriminale.
“Si rezultat i kontrolleve dhe verifikimeve të imtësishme në hyrje/dalje të Shqipërisë, me objektiva parandalimin dhe goditjen e krimeve ne kufi, shërbimet e Policisë Kufitare të portit të Durrësit, në bashkëpunim me autoritetet doganore, finalizuan operacionin “Aseti”.
Gjatë operacionit u arrestua në flagrancë shtetasi shqiptar, M. D., 36 vjeç, rezident në Itali, sepse iu gjetën në çantën e shpinës, 223 200 euro që tentonte t’i nxirrte nga Shqipëria, pa i deklaruar në pkk”, njofton policia.
Materialet procedurale i kaluan Prokurorisë së Durrësit, ku vijojnë hetimet për të përcaktuar burimin e këtyre parave./Opinion.al
