Tentoi të hynte në Shqipëri, me 31 700 paund të padeklaruara, procedohet penalisht 36-vjeçari A.H. Policia sekuestron shumën e parave
Në një njoftim për mediat, policia bën të ditur se: “Si rezultat i kontrolleve të imtësishme në hyrje/dalje të vendit shërbimet e Policisë Kufitare të Rinasit kanë goditur një tjetër rast të mosdeklarimit në pikën e kalimit kufitar, të shumave të konsiderueshme të parave. Për këtë rast u referuan materialet në Prokurori, ku nisi procedimi në gjendje të lirë për shtetasin që vinte nga Londra, A. H., 36 vjeç, të cilit nga kontrollet, iu gjetën në çantën e shpinës dhe në atë të brezit, 31 700 paund që synonte t’i fuste në Shqipëri, pa i deklaruar konform ligjit”.
Materialet procedurale iu referuan Prokurorisë së Tiranës, për veprime të mëtejshme.
