Një 40-vjeçar shqiptar ka mbetur i plagosur nga efektivët e policisë greke në Colonos, pasi tentoi të grabiste një bankë.
Sipas informacioneve të para, ngjarja ka ndodhur në orën 11.15 të mëngjesit kur autoritetet kanë marrë një telefonatë për një grabitje në një filial banke në rrugën Achilleos.
“Në orët e mëngjesit të sotëm, në një dyqan të Bankës në zonën e Omonias, një punonjës i Bankës ka aktivizuar butonin e panikut për një grabitje në tentativë”, tha policia.
Pas marrjes së denoncimit, policia ka shkuar në vendngjarje dhe ka nisur ndjekjen e autorit.
Një punonjës policie, i cili ishte jashtë detyrës, jashtë dyqanit në momentin e grabitjes dhe së bashku me drejtorin e sigurisë së bankës, kanë ndjekur në këmbë autorin, i cili është larguar nga dyqani duke marrë një shumë parash.
Menjëherë kanë mbërritur efektivët e policisë së ekipit të DI.AS, si dhe një makinë patrulluese e Veprimit të Menjëhershëm. Autori, të cilit iu gjet një shumë parash, ka tentuar të plagosë me mjet të mprehtë dy punonjës policie, njëri prej të cilëve duke u mbrojtur ka përdorur armën zyrtare, duke plagosur autorin, thotë policia.
Hetimet paraprake po kryhen nga Drejtoria e Ndjekjes së Krimeve Kundër Jetës dhe Pronës për zbardhjen e kësaj ngjarjeje./Opinion.al
