Gjykata e Korçës ka caktuar masën e sigurisë “arrest me burg” për 71-vjeçarin që tentoi të abuzonte seksualisht me një 9-vjeçare në fshatin Sheqeras të Maliqit.
Seanca gjyqësore filloi në orën 11 të paradites së sotme, ku Pëllumb Lamçe doli para togave të zeza për tu njohur me masën e sigurisë. Prokuroria kërkoi masën e arrestit me burg për veprën penale të “marrëdhënie seksuale me të mitur”, e mbetur në tentativë.
Para trupës së gjyqtarëve, i moshuari ka mohuar akuzat duke thënë se nuk e ka ngacmuar të miturën, ndërsa bëhet e ditur se ka shfaqur çrregullime mendore duke folur për pronat që kishte patur në fshat dhe që ja kishin marrë.
Gjykata pranoi kërkesën e prokurorisë duke lënë në burg Lamçen deri në përfundim të hetimeve. Ngjarja u regjistrua 3 ditë më parë në fshatin Sheqeras të Maliqit.
