Një 27-vjeçar që ishte shpallur në kërkim ndërkombëtar për veprat penale “Marrëdhënie seksuale me dhunë” dhe “vjedhje me dhunë” është vënë në pranga nga policia.
Mësohet se i riu ishte shpallur në kërkim nga Gjermania, pasi në gusht të vitit 2019, ai ka ndaluar një 32-vjeçare në Berlin, të cilën ka tentuar ta përdhunojë dhe i ka marrë portofolin me para.
Pas njoftimit të banorëve nga ndihma e kërkuar nga 32 vjeçarja, autori i veprës penale është larguar nga vendi i ngjarjes, por në vendngjarje janë gjetur prova materiale e shkencore, nëpërmjet të cilave ai është identifikuar nga Policia.
Dosja nga Prokuroria e Berlinit në Gjermani është dërguar së bashku me provat materiale në Prokurorinë e Rrethit Gjyqësor Pukë.
