Ministrja e Jashtme, Olta Xhaçka, ka reaguar në “Twitter” në lidhje me tensionet në veri të Kosovës.
Xhaka thotë se sulmet ndaj trupave të KFOR janë të papranueshme, ndërsa thekson se rruga për normalizimin e situatës është dialogu mes Kosovës dhe Serbisë me ndihmën e ndërkombëtarëve.
“Sulmet e dhunshme dhe të paprovokuara ndaj NATO-s, KFOR-it dhe medias janë të papranueshme dhe duhet të ndalen menjëherë. I shprehim mbështetjen tonë të plotë KFOR-it dhe i urojmë shërim të shpejtë ushtarëve të plagosur të KFOR-it. Qetësimi i situatës është i domosdoshëm. Dialogu i lehtësuar nga Bashkimi Evropian është rruga drejt normalizimit të marrëdhënieve mes Kosovës e Serbisë, si dhe njohja reciproke që do të sigurojë qëndrueshmëri afatgjatë në rajonin tonë”, shtoi Xhaçka.
