Pas situatës së krijuar në Veri të Kosovës, ka reaguar nëpërmjet një postimi në rrjetet sociale, ministri i Mbrojtjes së Shqipërisë, Niko Peleshi.
Ai ka dënuar dhunën e përdorur ndaj trupave të KFOR-it nga protestuesit serbë në veri të Kosovës.
Ministri Peleshi bën thirrje për dialog dhe ulje të tensioneve si zgjidhja e vetme për një bashkëjetesë dhe stabilitet në rajon.
“Të shqetësuar për situatën në veri të Kosovës. Dënojmë me forcë dhunën e përdorur ndaj trupave të KFOR, që po përpiqen për garantimin e sigurisë së qytetarëve atje. Dialogu dhe ulja e tensioneve, zgjidhja e vetme për një bashkëjetesë të mirë dhe stabilitet në rajon! Urojmë shërim të shpejtë për trupat e lënduar”, shkruan ministri Peleshi.
25 forca të KFOR-it kanë mbetur të plagosur nga tensionet në veri të Kosovës, ndërsa mësohet se 5 persona të përfshirë në akte dhune janë arrestuar nga policia.
