Marrdhëniet mes Shteteve të Bashkuara të Amerikës dhe Kinës vijojnë të jenë të tensionuara. Mësohet se sëfundmi Departamenti amerikan i Shtetit ka ndërprerë pesë programe të shkëmbimit kulturor ndërmjet SHBA-së dhe Kinës.
Sipas Departamentit amerikan të Shtetit, këto programe funksiononin si mjete të propagandës për Pekinin. Mike Pompeo, përmes një deklarate u shpreh se programet ishin “fshehur” si “shkëmbime kulturore” nëpërmjet Aktit për Shkëmbime të Arsimit dhe Kulturës (MECEA).
“Ndërkohë që programet e tjera janë themeluar nga MECEA dhe kanë përfitime të dyanshme, pesë programet në fjalë financohen plotësisht dhe operohen nga Qeveria e Kinës si mjete të buta të propagandës”, tha Pompeo.
Pompo tha ndër të tjera se pesë programet e ndërprera “kanë qënë në favor të zyrtarëve të Partisë Komuniste kineze dhe jo për popullin kinez, i cili nuk gëzon lirinë e fjalës dhe tubimit”.
Sekretari amerikan i Shtetit ka thënë gjithashtu se SHBA është e hapur për programe të shkëmbimit kulturor, por me kusht që këto programet të jenë të drejta për të dyja palët dhe jo vetëm në interes të njërit prej shteteve.
SHBA dhe Kina janë në “luftë” tregtare dhe ndërprerja e pesë programeve mes dy shteteve është konfirmim i marrdhënive të tensionuara mes tyre. Gjithashtu, shpesh Shtetet e Bashkuara të Amerikës kanë kritikuar Kinën lidhur me menaxhimin e pandemisë./Opinion.al
