Presidenti i Shteteve të Bashkuara të Amerikës, Donald Trump i ka kërkuar NATO-s që të shtojë angazhimin e saj në Gjirin Persik.
Pas rritjes së tensioneve me Iranin dhe rrezikimit të sigurisë për rajonin e Lindjes së Mesme, presidenti Trump zhvilloi një telefonatë me Sekretarin e Përgjithshëm të NATO-s, Jens Stoltenberg.
Sipas Shtëpisë së Bardhë, Trump i ka kërkuar atij që NATO të angazhohet më shumë në rajon duke theksuar rolin e saj në ndalimin e konflikteve e ruajtjen e paqes.
Sipas të dhënave nga Brukseli, Stoltenberg ka rënë dakord se NATO “mund të kontribuojë më shumë në stabilitetin rajonal dhe luftën kundër terrorizmit ndërkombëtar”. /Opinion.al
