Pentagoni po analizon një kërkesë ushtarake të SHBA-së për të dërguar 5,000 trupa shtesë në Lindjen e Mesme, për shkak të tensioneve në rritje me Iranin.
Sipas agjencisë së lajmeve Reuters Komanda Qendrore e Shteteve të Bashkuara e ka bërë kërkesën, por nuk është ende e sigurtë nëse Departamenti i Mbrojtjes do ta miratojë atë.
Marrëdhëniet midis Iranit dhe SHBA-së janë tensionuar nga viti i kaluar, kur presidenti amerikan, Donald Trump ka tërhequr Uashingtonin nga marrëveshja bërthamore midis Iranit dhe gjashtë fuqive botërore.
Me këtë marrëveshje, që u arrit në vitin 2015, Republika Islamike e ka kufizuar programin bërthamor në këmbim të lehtësimit të sanksioneve ekonomike ndërkombëtare.
Prej tërheqjes nga marrëveshja, Uashingtoni ka ashpërsuar retorikën dhe ka rikthyer sanksione ekonomike kundër Iranit, por sidoqoftë të dyja palët kanë deklaruar se nuk duan luftë./Opinion.al
