Në deklaratën e tij për mediat, pasi u pyet për tensionet dhe parregullsitë në qendrat e votimit, Berisha deklaroi se ata që shkelin ligjin do të marrin përgjegjësi.
Gjithashtu në lidhje me këtë çështje, kreu i Partisë Demokratike u shpreh se ka një vëzhgim kombëtar dhe ndërkombëtar shumë serioz.
“Çdo gjë ka një vëzhgim ndërkombëtar shumë serioz dhe kombëtar po kaq serioz dhe secili që merr përsipër të shkelë ligjin në këtë proces do të bëhet përgjegjës. Sot sovrani jep një verdikt historik. Populli sot do të japë një verdikt historik dhe kjo është e vërteta, por cili është ai që nuk i bindet historisë”, thekson Berisha.
