Megjithëse marshimi “kundër frikës” në kujtim të 28 viktimave në Bruksel u anullua, vendin e tij e zuri protesta e qindra ekstremistëve të djathtë, që bërtisnin kundër emigrantëve dhe Shtetit Islamik.
Një grup prej 450 personash të veshur me të zeza dhe me fytyra të mbuluara me maska, mbërritën në sheshin e Bursës. Sic raportojnë disa media belge, ata ishin tifozë huliganë.
Këto janë pamjet që tregojnë tensionet në Sheshin “Plaze de la Bourse” në Bruksel, ku ishte improvizuar një memorial, në kujtim të viktimave dhe ndodhi përplasja mes tyre dhe banorëve që qetësisht po vendosnin buqeta me lule në kujtim të viktimave.
Të paktën 10 persona u arrestuan. Kryeministri belg Charles Michele dhe kryebashkiaku Ivan Majër dënuan sjelljen e tyre, “një provokim ndaj banorëve, pranë memorialit të viktimave”.
Tv Klan
