Udhëtimi me urban në kryeqytet për disa ka rezultuar i mundimshëm.
Edhe pse temperaturat i kanë kapërcyer 37 gradë celsius, disa drejtues të linjave të ndryshme urbane, kanë preferuar të mos e ndezin sistemin e kondicionimit.
Disa drejtues urbanësh ankohen se janë qytetarët ata që hapin xhamat, duke i detyruar që t’i fikin kondicionerët.
Pasagjerët nga ana tjetër shohin si përgjegjës shoferët për çdo gjë që nuk funksionon nëpër urbane.
Në përgjigje të interesit të Televizionit Klan në lidhje me këtë problematikë, Agjencia e Mbrojtjes se Konsumatorit pranë Bashkisë së Tiranës bën me dije se 14 urbanë që nuk kanë vënë në punë sistemin e kondicionimit pronë e 6 kompanive, janë gjobitur.
Tv Klan
