Stuhia e të nxehtit prezent në Shqipëri prej 10 ditësh ka shtuar edhe rrezikun e përhapjes së zjarreve në pyje. Instituti i Gjeoshkencave paralajmëron se këtë të premte dhe të shtunë rrezikojnë qarqet Fier dhe Berat.
Anira Gjoni, Instituti i Gjeoshkencave: Parashikohet që në këto dy qarqe, rreziku për përhapjen e zjarreve në pyje të jetë i lartë. Shkak kryesor mbeten temepraturat shumë të larta në këto qarqe, kombinuar edhe me faktorin erë që në momente të shkurtra është vlerësuar si mesatare.
Vendi parashikohet të mbetet nën pushtetin e temperaturave mbi 40 gradë deri të enjten e ardhshme. Në të tilla kushte, kërkohet ndezja e zjarreve për çfarëdo lloj arsye.
Anira Gjoni, Instituti i Gjeoshkencave: Të enjten pritet të kemi një zbritje, flasim në vlera 2, 3 gradë.
Historikisht për Shqipërinë, Korriku është muaji më i nxehtë i vitit.
Anira Gjoni, Instituti i Gjeoshkencave: Këto valë janë tipike për stinën e verës dhe për muajin Korrik, nëse para shumë vitesh ndodhnin një herë në kaq kohë tashmë janë më të shpeshta.
Rekord i temperaturave në vend është shënuar në vitin 1973 në Kuçovë, termometri shënoi 43.9 gradë Celsius./ Tv Klan
