Duket se dita e sotme ka qenë një ndër më të nxehtat përgjatë kësaj vere.
Sipas “Meteoalb”, temperatura në Vlorë sot ka shënuar 36.3°C, por prezenca e lagështirës prej 60%, ka bërë që temperatura të ndjehet 48°C.
Ndërkohë në Tiranë temperatura është regjistruar në 37 °C por është ndjerë në 43 °C, ndërsa pritet që edhe dita e nesërme të jetë në këto vlera.
RESHJET
Sot pasdite (e mërkurë, dt.01) dhe nesër (e enjte, dt.02) priten reshje të dobëta në shumicën e qarqeve të vendit deri lokalisht mesatare në gjysmën e tyre (siç tregohet në tabelë, respektivisht për secilin qark). Në zona shumë të izoluara, reshjet mund të shoqërohen edhe me shtrëngata, më të mundshme në zonat kodrinore-malore dhe në zonat pranë tyre, kryesisht gjatë pasditeve.
TEMPERATURAT
Nesër (e enjte, dt.02) temperaturat minimale dhe maksimale të ajrit pritet të arrijnë:
në bregdet: 23 / 33 °C
në vendet e ulëta: 22 / 35 °C
në vendet malore: 15 / 29 °C
ERA
Sot pasdite (e mërkurë, dt.01) dhe nesër (e enjte, dt.02) era pritet të fryjë e lehtë deri mesatare, kryesisht në bregdet.
Ndërkohë është njoftuar se java e parë e gushtit sjell temperature të larta në territorin shqiptar ku gjatë orëve të mesditës vlerat termike do të variojnë nga 30 – 36°C në zonat malore (maksimumet në Verilindje) ndërsa temperatura mbi 36°C thuajse në të gjithë Ultësirën Perëndimore. Në zona specifike, pritet që temperaturat të ngjiten në 39°C (Shkodra, berate dhe rrethinat e tyre).
Përsa i përket tablosë së shirave, parashikohet që 10-ditëshi i parë të jetë kryesisht i thatë, shirat më të pranishëm në formën e stuhive të izoluara në zonat malore ndërsa në dt. 2 – 3 gusht rrebeshe afatshkurtra rrezikojnë zonat Qendrore dhe Jugore.
