Teknologjia ka hyrë në jetët tona jo më si mjet por si nevojë e përditshmërisë sonë. Ndaj edhe gjigandët teknologjikë janë munduar që vit pas viti të sjellin prodhime të avancuara në aplikacione e shpejtësi. Viti 2015 shënoi një numër të lartë prodhimesh që dominuan tregun për shkak të risive që sollën.
Viti 2015 është cilësuar nga FoxNews si viti i teknologjisë, duke renditur telefonat më të mirë, më të shpejtë e më “të zgjuar” nga ana teknologjike. Në krye të listës qëndrojnë dy rivalët Apple dhe Samsung.
Ja lista:
iPhone 6s and iPhone 6S Plus- Telefona që kanë pasur sukses të madh në treg. Veçoritë e këtyre telefonave janë: Ekrani 3D, në varësi prej presionit që ushtrohet gjatë prekjes. Procesori A9 i bënë këta dy telefona nga më të shpejtit në botë, ndërsa të dy mund të incizojnë video 4K.
Samsung Galaxy S6 and Samsung Galaxy S6 Edge- Të dy këta dy telefona përdorin teknologjinë OLED për ekran, ndërsa Apple përdor LCD. Kamera prej 16 megapiksel është një nga veçoritë e këtyre telefonave. Kurse dizajni metalik klasik është ndryshimi nga telefonat paraprak që kishin dizajnim plastik.
Samsung Galaxy Note 5 and Galaxy S6 Edge+: Këta kanë madhësi më të madhe. Note 5 vjen me lapsin “S Pen stylus”, dhe Note është i lakuar prapa, diçka që Edge nuk e ka, ndërsa veçantia është jetëgjatësia e baterisë, që është mjaft e mirë.
Google Nexus 6P- Ndoshta një nga telefonat më të mirë të Nexusit. Kompania kineze, Huawei është në ngritje tani dhe renditet si fuqia e tretë sa i përket krijimit të telefonëve, prapa Apple dhe Samsungut. Ndërsa bashkëpunimi me Google ka krijuar këtë telefon që ka pasur sukses të madh në tregun botërorë.
Veçantia e tij është procesori me tetë bërthama, ndërsa ka një hapësirë 32 GB, 3GB RAM, dhe kamerë 12.3 megapiksel, që arrin kualitetin 4K.
HTC One M9- Seritë e telefonave M të HTC-së kanë pasur një sukses të madh, duke u cilësuar si një nga telefonat më të bukur në market, për shkak të dizajnit metalik.
Microsoft Lumia 950 XL- Gjiganti Microsoft në këtë vit ka lançuar një nga telefonat më të mirë në treg. Me sistemin Windows 10 për telefona, ka sjell një nga telefonat më të shpejtë në treg.
Moto G 2015- Një telefon jo i shtrenjtë është prezantuar nga Motorola. Me dizajn të ri, rezistent ndaj ujit dhe me kamerë të përmirësuar ka pasur një sukses mjaft të madh në treg.
