“Pjesëtarët e shtresave më të larta i shtyjnë fëmijët e vet që të kryejnë shkolla elite, edhe pse s’kanë arsye ekonomike për ta bërë këtë. Ata munden t’i punësojnë fëmijët e vet edhe pa kryer ndonjë arsim të veçantë. Por, diplomat i kanë në funksion të kënaqjes së rolit prestigjioz në shoqëri. Diplomat e fakulteteve u nevojiten që të mund fëmijët e vet t’i izolojnë nga kontaktet me fëmijët e shtresave më të ulëta, të cilët mund t’i prishin”.
Këto gjëra i mësojnë fëmijët e viteve të dyta të shkollave të mesme në Maqedoni në lëndën e sociologjisë. Citati është pjesë e njësisë mësimore “Arsimi dhe mundësitë jetësore”, që u publikua në mediat maqedonase pas vërshimit të rrjeteve sociale me këtë dhe pjesë të tjera skandaloze nga libri i njëjtë.
Në librin, të nënshkruar nga autorët dr. Nellko Stojanoski, dr. Mileva Gjurovska dhe dr. Zoran Mitevski dhe të miratuar nga Ministria e Arsimit dhe Shkencës, në mënyrën e njëjtë origjinale “trajtohen” edhe shtresat tjera shoqërore dhe fëmijët e tyre në kontekst të mundësive për arsimim.
Për shembull, shkruan se “fëmijët e familjeve punëtore” nuk janë fort ambiciozë dhe “kryesisht janë të orientuar nga jeta praktike”, kurse fëmijët e shtresës së mesme “patjetër duhet t’ua kalojnë prindërve të vet në karrierë dhe në suksesin në jetë”.
“Më së shpeshti prindërit e klasës së mesme u thonë fëmijëve të vet: Mëso dhe mbaro fakultetin që të mos mundohesh, apo edhe më keq: Mëso dhe mbaro fakultetin që të mos punosh asgjë”, përshkruhen “ambiciet” e prindërve dhe fëmjëve nga shtresa e mesme.
