Presidenti Ilir Meta ka folur në lidhje me çështjen e Teatrit Kombëtar. I pranishëm në ekspozitën e artit të Avni Delvinës “Notre Drame de Tiran”, Meta tha se ndaj kësaj çështje ai ka bërë vetëm detyrën që i cakton ligji.
Kujtojmë që Meta dorëzoi në Gjykatën Kushtetuese kërkesën për shpalljen të paligjshëm të ligjit për prishjen e Teatrit Kombëtar, edhe pse kjo gjykatë ka vetëm një anëtar dhe vendimmarrja e saj është e bllokuar.
“Asnjë falënderim për mua nga të gjithë artistët, pasi nuk kam bërë asgjë tjetër veç detyrën time edhe në çështjen për Teatrin Kombëtar, duke mbrojtur Kushtetutën, ligjin, trashëgiminë kulturore, duke mbrojtur identitetin kombëtar”, tha Meta.
Presidenti tha se në këtë situatë është e domosdoshme që të gjithë duhet të dialogojnë, pasinuk mun të ketë një Shqipëri Europiane pas një identitet kulturor kombëtar.
“Besoj se është e domosdoshme që të gjithë të reflektojmë dhe të dialogojmë si një shoqëri e qytetëruar për të zgjidhur të gjitha sfidat në mënyrë të arsyeshme, larg interesave okulte. Nuk mund të ketë një Shqipëri europiane të vërtetë pa identitetin e saj kulturor dhe kombëtar”, shtoi ai./Opinion.al
