Ministri i Brendshëm, Taulant Balla, ka reaguar në lidhje me atentatin me tre viktima të ndodhur në Memaliaj.
Në rrjetet sociale Balla shprehet se pritet të zbardhet sa më shpejtë ngjarja e rëndë në Memaliaj, ndërsa në Lezhë u parandalua një ngjarje e rëndë kriminale.
Reagimi i ministrit Balla
Është detyrë kryesore e Policisë së Shtetit parandalimi i ngjarjeve kriminale, duke vlerësuar rrezikun dhe u angazhuar në zbardhjen e ngjarjeve të vjetra kriminale.
Janë këto ngjarje të vjetra kriminale rrezik potencial për ngjarje të reja.
Ndërsa drejtuesit më të lartë të Policisë së Shtetit janë në Memaliaj ku presim zbardhjen sa më parë të jetë e mundur, Drejtoria Vendore e Policisë Lezhë sapo ka parandaluar një ngjarje të rëndë kriminale.
Falë reagimit në kohë janë sekuestruar armët e zjarri dhe mina me telekomandë, të cilat do të përdoreshin dhe është ndaluar në flagrancë autori i dyshuar.
