Nën masat të rrepta sigurie do të zhvillohet etapa e dytë e garës së “Giro d’Italia” e cila do të jetë e gjitha në Tiranë. Të shtunën nga ora 8 e mëngjesit deri në 10 do ketë ndalim parkimi pranë Zogut të Zi, rrugës Durrësit, rrugës Fortuzi, rruga e Barrikadave dhe pas pallatit të kulturës.
Ndalim qarkullimi dhe parkimi do ketë nga ora 10 deri në orën 6 edhe në sheshin Skënderbej, bulevardi Gjergj Fishta dhe Bajram Curri, Muhamet Gjollesha, Ibrahim Rugova dhe segmente të tjera.
Nga gara do të do të ketë kufizime të lëvizjes së qytetarëve edhe në disa blloqe banimi.Akses të kufizuar kanë pjesët e banimit në rrugët lidhëse me rrugën “Papa Gjon Pali” dhe zona e kodrës së priftit. Do të lejohet lëvizja e banorëve në rrugën e Dibrës, ndërsa zona e Qytetit Studenti do ketë akses vetëm në unazën Lindore.Tirana e Re dhe Blloku do të kenë dalje në selitë dhe digën e liqenit, ndërsa banorët në Myslym Shyri duhet të përdorin bulevardin Zogu i Parë dhe Mine Peza.
Rrugët e bllokuara të Shtunën:
Sheshi “Skënderbej”
Rruga “Urani Pano”
Rruga “Dedë Gjo Luli”
Rruga “Ibrahim Rugova”
Rruga “Dëshmorët e 4 Shkurtit”
Bulevardi “Gjergj Fishta”
Rruga “Muhamet Gjollesha”
Bulevardi “Bajram Curri”
Rruga “Ibrahim Rugova”
Rruga “Lek Dugagjini”
Rruga “Dervish Hima”
Rruga e Elbasanit- Rrethrrotullimi i Saukut
Rruga “Abdyl Frashëri”
Bulevardi “Zogu I” deri te rruga “Fortuzi”
Rruga pas Pallatit të Kulturës
