Të shtëna me armë zjarri janë dëgjuar ditën e sotme në lagjen Don Bosko në Tiranë.
Uniformat blu bëjnë me dije se si pasojë e të shtënave janë plagosur dy shtetas një 45 vjeç dhe një 22-vjeçar.
Këta të fundit ndodhen në spital nën kujdesin e mjekëve. 45-vjeçari ka plumb në kraharor, ndërsa 22-vjeçari është i plagosur në këmbë.
Mësohet se të plagosurit janë qëlluar nga një person i tretë, ende i paidentifikuar.
“Tiranë/Informacion paraprak
Më datë 03.09.2024, në Don Bosko, në afërsi të OSHEE, janë plagosur me armë zjarri shtetasit K. E., 45 vjeç, dhe R. M., 22 vjeç, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorëve të dyshuar”, njofton policia.
