Ende asnjë autor i identifikuar rreth të shtënave me armë zjarri në një lokal pranë ish – Parkut të Autobuzave, në Rrugën e Kavajës në Tiranë.
Ngjarja e cila ndodhi mbrëmjen e së dielës, vijon të mbetet mister për strukturat policore, pavarësisht dëshmive të shumta të marra në vendin e ngjarjes dhe pamjeve filmike nga kamerat e sigurisë përreth.
Në vendgjarje janë fiksuar 6 gëzhoja të një arme zjarri pistoletë. Si pasojë e të shtënave dhe është thyer xhami i lokalit dhe për pasojë copat e xhamit kanë dëmtuar në ballë një person.
Zyrtarisht mësohet se dyshimet kryesore janë tek një konflikt mes disa të rinjve jashtë lokalit, ndërsa nuk përjashtohet dhe mundësia që shenjestër e të shtënave të ketë qenë një prej klientëve.
Grupi hetimor ka marrë dëshmi të persoanve që ndodheshin në momentet e ngjarjes pranë lokalit për të mbërritur te autorët e sulmit.
Tv Klan
