Një person i plagosur është paraqitur mesditën e sotme në spitalin e Kukësit.
Sipas uniformave blu shtetasi E. H., rreth 29 vjeç dyshohet se është plagosur me armë zjarri gjatë një konflikti për motive të dobëta me një shtetas tjetër.
Mësohet se 29-vjeçari ndodhet jashtë rrezikut për jetën.
“Rreth orës 14:20, në spitalin e Kukësit, është paraqitur shtetasi E. H., rreth 29 vjeç, banues në fshatin Bicaj, dyshohet i plagosur me armë zjarri, paraprakisht jashtë rrezikut për jetën.
Nga veprimet e para hetimore dyshohet se ky shtetas është plagosur me armë zjarri gjatë një konflikti për motive të dobëta me një shtetas tjetër, i cili është identifikuar nga Policia, por gjeneralitetet e tij nuk bëhen me dije për momentin, për shkak të hetimit.
Është ngritur grupi hetimor dhe në drejtimin e Prokurorisë Kukës po vijon punën për zbardhjen dhe dokumentimin e plotë ligjor të këtij rasti”, njofton policia.
