Një plagosje me armë zjarri ka ndodhur sot pasdite në lagjen “Ahmet Haxhia” të qytetit të Shkodrës. Sipas policisë, ka mbetur i plagosur 56-vjeçari Selami Ahmeti, i cili ka dëmtime në shtyllën kurrizore.
Mësohet se 56-vjeçari është qëlluar me armë teksa po hynte në banesë dhe mjekët thonë se gjendja e tij është e rëndë.
Dëshmitarët në vendngjarje kanë thënë për policinë se personi i cili qëlloi ka qenë i maskuar. Policia ka shkuar në vendngjarje dhe ka nisur punën për të zbardhur krimin.
