Të paktën dy persona vdiqën dhe dhjetëra të tjerë u plagosën nga të shtënat në një festë në Baltimore të Shteteve të Bashkuara të Amerikës herët të dielën, tha policia.
Vetëm pas orës 12:30 të mëngjesit, oficerët morën thirrje të shumta për të shtëna, në lagjen jugore të Baltimores të Brooklyn-it, tha në një konferencë shtypi të dielën në mëngjes, komisari në detyrë i policisë së qytetit, Kol. Richard Worley.
Një 18-vjeçare është gjetur e pajetë në vendngjarje dhe pak më pas një 20-vjeçar është konstatuar i vdekur në spital, thuhet në njoftimin e policisë. Shumë njerëz të tjerë morën plagë me armë zjarri, tha koloneli Worley, dhe tre ishin në gjendje kritike. Nëntë persona u dërguan nga vendi i ngjarjes në spitale dhe 20 të tjerë u dërguan në spitalet e zonës, shtoi ai.
“Këtë mëngjes, i gjithë Baltimore është në pikëllim,” tha Brandon Scott, kryebashkiaku i qytetit, në konferencën për shtyp, duke e quajtur të shtënat një “veprim të pamatur dhe frikacak”.
