Një i dyshuar është qëlluar me armë zjarri nga policia dhe ka vdekur pasi oficerët kanë reaguar të martën ndaj një incidenti me të shtëna brenda një dyqani të Wal-Mart në Amarillo të Teksasit.
Departamenti i Policisë në Amarillo ka lëshuar një komunikatë të shkurtër, duke thënë se pengjet brenda dyqanit tani janë të sigurta, dhe e ka përshkruar rastin si incident dhune në vend të punës. Detaje të tjera nuk janë dhënë, por policia ka nxitur banorët t’i shmangen zonës, transmeton express.
Policia ka bërë të ditur se oficerët kanë reaguar në mes të raportimeve se një person i armatosur ndodhej në dyqan dhe mund të kishte marrë pengje. Policia më pas ka thënë se oficerët janë futur brenda dyqanit, dhe se më nuk ka të shtëna.
Qyteti ka lëshuar një komunikatë, duke thënë se zyrtarët e emergjencës ndodhen në skenën e një incidenti aktiv, dhe se nuk dihet nëse ka viktima.
Autoritetet nuk kanë thënë menjëherë se çfarë mund të ketë nxitur incidentin në Amarillo. Disa rrugë afër vendit ku ka ndodhur incidenti janë mbyllur për arsye sigurie.
