Të shpallur në kërkim për vepra të ndryshme penale, arrestohen tre persona në Tiranë

Policia e Tiranës ka arrestuar 3 shtetas të shpallur në kërkim, për vepra të ndryshme penale.

Ata akuzohen për veprat penale “Mosdhënia e mjeteve për jetesë”, “Vjedhja” dhe “Drejtimi i automjeteve në mënyrë të parregullt”.

“Shërbimet e Komisariatit të Policisë Nr. 3 në zbatim të masave të hartuara në kuadër operacionit policor të koduar “Sundimi i ligjit”, bazuar në informacionet e siguruara për vendndodhjen e tre shtetasve në kërkim, kanë intensifikuar kontrollet për kapjen dhe vënien e tyre përpara përgjegjësisë ligjore.

Si rezultat gjatë kontrolleve u kapën shtetasit:

– M. H., 41 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 6 muaj burgim për veprën penale “Mosdhënia e mjeteve për jetesë”;

– R. D., 36 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 2 muaj burgim për veprën penale “Vjedhja”;

– G. R., 48 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 1 muaj burgim për veprën penale “Drejtimi i automjeteve në mënyrë të parregullt””, njofton policia.