Kontrata të pasura, marrëveshje me sponsorë të ndryshë, famë, lavdi, femra të bukura dhe shumë kopertina revistash, veçanërisht për ata që konsiderohen “top players”, janë gjëra të zakonshme në jetën e këtyre talenteve që, ndonjëherë, ekzagjerojnë. Po, sepse për disa idhuj të tifozëve, për të kënaqur tekat e tyre kanë arritur të kërkojnë gjëra të çmendura nga klubet që kërkonin t’i blinin. Më poshtë janë renditur pesë kërksat me absurde nga disa prej emrave më të mëdhenj të botës së futbollit.
Ronaldinho dhe nostalgjia për Brazilin
Dy vite më parë, ish-ylli i Barcelona-s Ronaldinho është kërkuar me ngulm nga skuadra meksikane Queretaro dhe nga ajo turke e Besiktas. Futbollisti, i cili ishte i interesuar për t’u rikthyer në futbollin europian, ka bërë një listë të gjithë kërkeksave të tij. Mes këtyre, shtatë bileta avioni mujore për të dhe familjen e tij që duhej të ishin të paguara nga klubi, për t’u kthyer herë pas here në Brazilin e dashur. Një shofer në dispozicion 24 orë, një telefon fiks dhe një celular “hi-tech” me telefonatat që duhej të paguheshin nga klubi turk, pa harruar edhe rrogën prej disa milionë euro. Në fund, Besiktas ka vendosur të tërhiqet, duke i konsideruar këto kërkesa të ekzagjeruara.
Neymar dhe dashuria për babanë
Duke qëndruar te fenomenët brazilianë, tani vjen radha e yllit të Barçës Neymar da SIlva Santos Junior. Në fakt, ish-talenti i Santo-s, para se të transferohej në Katalunjë dhe të nënshkruante kontratën, ka kërkuar dhe marrë, një avion privat për babanë e tij, që ta çonte këtë të fundit te ndeshjet e djalit, dhe një festë private, gjithmonë për prindin e dashur.
Eto’o, avioni privat, apartamenti dhe televizori 3 metra
Ka pasur një kohë në të cilën është vënë seriozisht në dyshim dominimi i Moskës dhe Shën Petërsburgut në futbollin rus. Duke sikur ka ndodhur shumë kohë më parë, por ne po flasim për 6/7 vite më parë, kur miliarderi rus i gazit Kerimov bleu klubin e vendit të tij:
Anzhin e Machackala. Nga 2011 në 2014, në fakt, pronari i ri (i 146-ti në listën e më të pasurve të planetit) ka filluar të investojë shuma marramendëse për të përforcuar ekipin. Një nga blerjet e bujshme ka qenë ajo e Samuel Eto’o nga Inter për 25 milionë euro. Por kamerunasi, para se të pranonte, përveç rrogës 20,5 milionë euro në vit, ka kërkuar edhe një shtëpi 1000 me një sipërfaqe 1000 metra katrorë me katër kate (me ashensor të brendshëm), pesë dhoma gjumi, një sauna, një pishinë dhe një tarracë me pamje nga qyteti, një avion privat, një televizor tre metra dhe një shtëpi në Milano, në “via Turati” 1000 metra katrorë me pishinë në tarracë.
Al-Jazira kthen mbrapsht Gervinho-n
Ka qenë vera e 2015-ës, sulmuesi i krahut të majët i Roma-s së Garcias, Gervinho, ka qenë shumë afër transferimit në Emiratat e Bashkuara te skuadra e Al Jazira-s. 13 milionë euro për Roma-n dhe një rrogë 4 milionë euro në vit për lojtarin. Por, kur gjithçka ishte drejt mbylljes, arabët janë tërhequr. Arsyeja kanë qenë kërkesat e futbollistit, të cilat janë konsideruar të papranueshme nga pronarët miliarderë të klubit. Në fakt, sipas zërave që kanë qarkulluar në atë kohë, sulmuesi afrikan duket se ka kërkuar një shtëpi luksoze, një shofer personal, një helikopter në dispozicion, një plazh privat dhe një numër i papërcaktuar biletash avioni për në Bregun e Fildishtë, për të dhe familjen e tij të madhe. Vetë lojtari i ka përgënjeshtruar këto zëra, por mbetet fakti se transferimi i tij ka dështuar vetëm në momentet e fundit.
Kërkesat e Zonjës Beckham
Rasti që mbyll këtë listë të veçantë të kërkesave më absurde të mundshme, pjesa më e madhe e të cilave janë pranuar, nga ana e lojtarëve, menaxherëve dhe familjarëve është ai që ka lidhje me zonjën Beckham në rastin e paraqitjes së parë të bashkëshortit të saj me fanellën e Milan-it në 2009-ën. Në janarin e atij viti, Viktoria, për të ndjekur bashkëshortin në qytetin lombard, ka kërkuar dhe marrë një helikopter që ka qenë në dispozicion të saj 24 orë në 24, një qendër fitnesi dhe një shef personal ekspert në makrobiotikë (lloj diete e veçantë që ka për bazë orizin).
