Anëtarët e qeverisë dhe ushtrisë të të paktën 20 vende të botës kanë qenë në përgjim përmes aplikacionit Whatsapp.
Agjensia e lajmeve Reuters raporton se ky lajm i është konfirmuar atyre nga disa persona, që janë ngarkuar me një hetim të brendshëm të degës së Facebook-ut, Whatsapp. Përgjimi kryhej nëpërmjet një programi ‘spiun’.
Whatsapp ka ngritur akuzën kundër firmës izraelite të softwarëve NSO Group e cila akuzohet se ka zhvilluar programin i cili shfrytëzon një boshllëk sigurie në serverat e Whatsapp-it.
Sipas të dhënave janë përgjuar telefonat e të paktën 1.400 përdoruesve ndër të cilët edhe gazetarë dhe aktivistë të të drejtave të njeriut.
Kreu i Whatsapp-it, Will Cathcart ka deklaruar se ky kompania izraelite paraqitet se punon me përgjegjësi për qeveritë. “Por ne kemi zbuluar, se më shumë se 100 gazetarë dhe aktivistë të të drejtave të njeriut në majin e kaluar kanë qenë objekt sulmi. Ky keqpërdorim duhet të marrë fund” tha ai. /Opinion.al
