‘Të ndjekësh ‘Keeping Up With The Kardashians’ mund të të bëjë njeri më të keq’ .
Ky është rezultati i një studimi të fundit në Britani. Sipas studimit të Shkollës së Ekonomisë dhe Shkencave Politiko – Sociale, të ndjekësh “Keeping Up With the Kardashians” mund të të bëjë më pak të ndjeshëm ndaj gjendjes së vështirë të të varfërve.
Studiuesit zbuluan se edhe 60 sekonda ekspozim ndaj mediave materialiste , dhe përmbajtjes që promovon famën, luksin dhe pasurinë ishte e mjaftueshme për të rritur ndjeshëm besimin kundër të mirave të jetës.
Hulumtuesi kryesor, Rodolfo Leyva, tha se ky rezultat është pjesërisht për shkak se njerëzit janë materialistë nga natyra dhe ky është rasti kur “KUWTK” thjesht mund t’u nxjerrë atyre në pah tonet më egoiste.
“Në qoftë se ka më shumë theks në materializëm, si një mënyrë për të qenë i lumtur, kjo na bën më të prirur të jemi egoistë dhe antisocialë. Për këtë arsye, nuk i pëlqejmë njerëzit më pak fatlum”,- thotë Leyva, ndjekës i mediave sociale.
Leyva mori në studim dy grupe me 487 të rritur britanikë, të moshave 18 deri 49 vjeç.
Të dy grupet mendonin se po merrnin pjesë në një eksperiment për të testuar kujtesën dhe vëmendjen. Ndërsa në një grup u shfaqën reklama për produkte luksoze, foto e tabloide me njerëz të famshëm, tituj gazetash që tregonin jetë të pasurish, grupi tjetër kishte më shumë imazhe neutrale: skena të natyrës, reklama për sistemin e metrosë së Londrës dhe tituj gazetash rreth dinosaurëve.
Grupeve iu parashtruan pyetje që matën qëndrimet e tyre ndaj pasurisë dhe suksesit, përfitimet dhe qeverisë.
Në fund, grupi i ekspozuar ndaj mediave materialiste ishte më shumë i prirur drejt politikave që nxitin jetën e pasur. Pjesëmarrësit u pyetën edhe për programet që ata ndiqnin më shumë në ekran, të cilat përputheshin me programe që shfaqnin mënyra jetese magjepsëse si “Keeping up with the Kardashians”” .
Ashtu si në eksperimentin e parë, rezultatet treguan se ata që konsumonin rregullisht mediat e tilla kishin më shumë gjasa të mbanin “qëndrime më të forta materialiste dhe antisociale sesa konsumatorët më pak të prirur drejt këtyre programeve”.
