Një modele ruse dhe e bija e saj janë gjetur tragjikisht të ekzekutuara dhe të mbështjella me çarçafë pranë një resorti të njohur turistik në Bodrum të Turqisë.
Zbulimi i trupave të tyre të lidhur me litarë e të mbështjellë me çarçafë ka sjellë nisjen e kërkimit ndërkombëtar për 45-vjeçarin e dyshuar Andrey Kuslevich ish-bashkëshort i modeles.
Një video tregonte policinë vendase duke marrë trupat e 42-vjeçares Irina Dvizova, dhe bijës së saj Dayana në vilën e tyre në Bodrum, e gjithashtu gjurmet e lëna nga këpucët e një burri.
Trupat e nënës modele dhe të bijës adoleshente kishin plagë me armë zjarri.
Policia ka nisur kërkimin e Kuslevich, ish-bashkëshorti i Irina Dvizovas që më parë ka qenë roje sigurie për një biznesmen ukrainas.
Një teori e përmendur është se vrasjet kanë të bëjnë me betejën e kujdestarisë për djalin e çiftit.
Gruaja e ndjerë në qershor kishte kërkuar në gjykatën e Moskës që bashkëshorti i saj me pasaportë lituaneze, të mos kishte takime me djalin.
Ky i fundit, i quajtur Makar nuk mund të kontaktohet nga autoritetet pas vrasjes së dyfishtë.
Policia turke ka kërkuar ndihmë nga Interpol për kapjen e Kuslevich teksa besohet se dhe i biri është me të.
Irina dhe e bija ishin raportuar të humbura nga të afërmit të cilët kishin humbur kontaktin me to. Një miku i saj kishte shkuar në vilën e tyre dhe gjeti derën të hapur me forcë.
E ndjera Irina, nënë e tre fëmijëve, ishte modele por punonte edhe për një agjenci pronash të patundshme në Bodrum, sipas raportimeve vendase.
