Atmosfera festive e Dhjetorit po tërheq një numër gjithnjë e më të madh të huajsh në Shqipëri, me Tiranën që është kthyer në një pikë turistike të frekuentuar përgjatë gjithë vitit.
“Trendi vazhdon të jetë në rritje, ka një miks të madh nacionalitetesh, italianët dominojnë. Realisht e pëlqejnë shumë Tiranën”, tha Aneo Hila, tur operator.
Për turistët e huaj Tirana dhe Durrësi mbeten destinacionet kryesore për festat e fundvitit, ndërsa Berati kryeson listën e qyteteve më të preferuara për vizitat jashtë qendrës.
“Të huajt shohin dhe pjesën e logjistikën. Berati është numër 1 për të huajt”, tha Hila.
Ky interes ka shtuar edhe prenotimet në hotele e restorante për natën e ndërrimit të viteve, ndërsa për shqiptarët, Korça mbetet një nga destinacionet më të kërkuara, pa përjashtuar vendet e rajonit.
“Korça është praktikisht plot… Vendet më popullore këtë vit janë Paris, Amsterdam, Praga”, tha Hila.
Përgjatë 11 muajve vendi ynë u vizitua nga rreth 11 milionë vizitorë të huaj.
Tv Klan
