Të gjithë jemi marrosur, të gjithë e kemi dëgjuar të paktën njëherë dhe le të themi që pjesa më e madhe e jona ka kërcyer nën ritmet e “Despacito”. Kjo këngë e Luis Fonsit dhe Daddy Yankee është lancuar në fillim të këtij viti dhe tashmë numëron mbi 1.8 miliard klikime dhe shumë shpejt ka gjasa të kalojë shifrën prej 2 miliardësh.
“Despacito” pëlqehet shumë nga shqiptarët por shumë pak prej tyre ia dinë kuptimin e vërtetë duke qenë se kënga është në spanjisht. Një melodi latine shumë romantike por edhe shumë sensuale në të njëjtën kohë, shkruan intv. Fjalët nënkuptojnë afrimet, prekjet e zjarrta, zhveshjen, arritjen në “zonat e rrezikshme”, dëgjimit të zhurmës gjatë aktit seksual dhe puthjet që këngëtari ia dedikon protagonistes tej, ndaj dëgjojeni edhe më shumë këtë këngë.
