Një tjetër rast i arratisjes së shqiptarëve nga burgjet greke është regjistruar në Greqi.
Mediat helene raportojnë se dy 41-vjecarë shqiptarë janë arratisur nga Burgu i Kassavetias.
Arratisja është vënë re në orën 9 të mbrëmjes së djeshme kur nuk janë kthyer më në qeli.
Menjëherë në Qendrën e Posaçme të Paraburgimit të Rinisë Rurale u ngrit alarmi dhe u njoftuan të gjitha agjencitë e policisë, stacionet kufitare dhe aeroportet për të lokalizuar dhe arrestuar dy të dënuarit.
Sipas informacioneve të mediave helene, ata kanë një të kaluar kriminale pasi ishin dënuar me 20 vite burg për bashkëpunim në vrasje, grabitje, trafik emigrantësh, zjarrvënie me dashje, lëndim të rëndë dhe armëmbajtje./Opinion.al
