“Columbiana” mund të themi pa frikë se u kthye në hitin e verës që lame pas. Duke sjellë Taynën si një prej repereve më të reja e të suksesshme në skenën shqiptare.
Bashkëpunimi me Don Phenom, i bëri të dy artistët të njihen shumë dhe këtë e kanë treguar dhe klikimet në youtube.
I ftuar këtë të shtunë në emisionin “Thumb” të Fatmës dhe Aulonës ishte reperi Don Phenom. Fatma ka qenë ajo që e ka ngacmuar në lidhje me këngën “Columbiana” duke i thënë:
“Kjo është kënga ku Tayna të bëri ty të famshëm?”.
Përgjigja e Don Phenom ishte e menjëhershme dhe ai nuk i ka kursyer lëvdatat për Taynen duke u shprehur se:
“Jo e ke gabim, nuk është e vërtetë unë i kisha 20 koncerte përpara se të bëja bashkëpunimin me Taynën . Isha më i kërkuar në Tiranë që atë kohë. Tayna është një super talent. Ajo do të kishte qenë talent si me mua si pa mua.”
