Vëllezërit Xhaka sërish kundër njëri tjetrit. Taulanti dhe Graniti do të jenë sërish kundërshtarë. Vëllezërit Xhaka do të përballen të martën mbrëma, kur Basel pret Arsenalin në “St. Jakob Park”, ndeshja e fundit kjo në fazën e grupeve në Ligën e Kampionëve, shkruan Gazeta Express.
Viti 2016 ka sjellë disa përballje mes vëllezërve Xhaka. Kjo është hera e tretë që Taulanti e Granit luajnë kundër njëri tjetrit, derisa dy ndeshjet e mëparshme vëllai i vogël ka dal fitimtar.
Fillimisht Graniti triumfoi ndaj Shqipërisë së Taulantit në “Euro 2016”, e më pas e mposhti atë me Arsenalin në “Emirates Stadium”, përcjell Gazeta Express.
Tani vëllezërit Xhaka do të përballen sërish, kur të takohen Basel e Arsenal dhe mbetet të shihet nëse kësaj radhe Taulanti nuk do të dështojë ndaj vëllait të vogël.
Basel do të tentojë që të marrë së paku një pikë dhe t’i mbajë gjallë shpresat që të kualifikohen në Europa Leagu, gjithmonë nëse PSG-ja mposht Ludogorets, pasi dy skuadrat kanë nga dy pikë.
Baseli dhe Arsenali përballen nesër nga ora 20:45. /Express/
