Taulant Xhaka orientohet çdo ditë e më shumë drejt Fiorentinës. “Gazzetta dello Sport” i rikthehet interesimit te ekipit italian dhe më saktë të trajnerit Paulo Sousa, per futbollistin e Baselit. Për këtë nga Fiorentina duhet të largohet braziliani Gilberto. Taulanti mund të kalojë në Serie A, nëse oferta e klubit nga Firence do të jetë bindëse, pasi 24-vjeçari është pjesë e rëndësishme e Basel. Një largim më shumë i sigurtë nga kampionët e Zvicrës duket Shkëlzen Gashi. Sulmuesi shqiptar, po gjen pak hapësira dhe sipas mediave italiane Verona po mendon ta afrojë. Objektivi i kësaj skuadre që ndodhet në fundin e renditjes në Serie A është mbijetesa dhe për ta arritur këtë duhen përorcime në sulm. Për Gashin inetersohet edhe Young Boys dhe Sion në kampionatin zviceran.
