Zyrtarët e lartë të Shteteve të Bashkuara kanë kontaktuar homologët e tyre kinezë për bisedime mbi tarifat e mëdha që kanë goditur tregjet dhe zinxhirët globalë të furnizimit.
“Nga pikëpamja e negociatave, SHBA-të janë aktualisht pala më e shqetësuar. Administrata Trump po përballet me presione të shumëfishta”, raportojnë mediat shtetërore.
Tarifat ndëshkuese të SHBA-së kanë arritur në masën 145%, për shumë produkte kineze hynë në fuqi në Prill, ndërsa Pekini është përgjigjur me tarifa të reja prej 125% për importet nga Shtetet e Bashkuara.
Agjencia e lajmeve Reuters shkruan se Pekini ka krijuar një listë të produkteve të prodhuara në SHBA që do t’i përjashtojë nga tarifat e saj hakmarrëse prej 125%, duke përfshirë produkte të caktuara farmaceutike, mikroçipa dhe motorë reaktive.
Nga ana tjetër qeveria kineze ka mohuar se po zhvillohen bisedime, ndërsa i ka kërkuar vazhdimisht Shteteve të Bashkuara të angazhohen në dialog në një mënyrë “të drejtë dhe reciproke”.
Ekspertët kanë bërë të ditur se rreth 16 milionë kinezë mund të humbasin vendet e tyre të punës sapo efektet afatgjata të rënies prej 50% të eksporteve kineze në SHBA të ndikojnë në ekonomi.
