Analisti Lorenc Vangjeli, sonte, në studion emisionit Opinion i ka kujtuar kreut të LIBRA-s Ben Blushi se gjeneralët e mirë pasi fitojnë betejën shpallin arsyen se pse e bënë këtë.
Vangjeli tha se ky është një material i përgatitur nga administrata e KQZ-së, e cila pritet të votohet, por që ka pak gjasa të kalojë.
Ai theksoi se Blushi sapo shpiku një betejë.
“Partia juaj do regjistrohet normalisht në zgjedhje. Kjo nuk ju kap juve. Është administrata e KQZ-së që ka prodhuar një material të tillë.
‘LIBRA’ ka qenë partia e parë që ka dërguar në KQZ kërkesën për t’u regjistruar, që më 30 Janar, udhëzimi i ri i KQZ për partitë e reja duket se ka për qëllim të penalizojë LIBRA-n.
Momentalisht Partia e Ben Blushit nuk mund të regjistrohet në KQZ për zgjedhjet e ardhshme.
Sipas udhëzimit të ri, LIBRA duhet të paraqesë në KQZ një vërtetim mandati për dy deputetët, të cilët duhet të kenë qënë në parlament të paktën 6 muajt e fundit që nga data e paraqitjes së kërkesës në KQZ.
Këtë kusht LIBRA nuk e plotëson, ndaj Blushi duhet të mbledhë 5000 firma, sikur të ishte parti që ka vetëm një deputet në parlament (neni 68 pika 2, Kodi Zgjedhor), për t’u regjistruar në KQZ.
