Talibanët kanë ekzekutuar ditën e sotme dhjetë ushtarë afganë në provincën Helmand ku ndodhet baza ushtarake e ushtrisë.
Shpërthimi i fuqishëm ka goditur bazën ushtarake, ndërsa më pas talibanët kanë shkëmbyer zjarrë me ushtarët afganë, duke lënë të vdekur dhjetë prej tyre.
Zëdhënësi i talibanëve, Qari Yusouf Ahmadi, ka marrë përgjegjësinë për sulmin, duke shtuar se grupi ka konfiskuar armë dhe municion.
Talibanët kanë prezencë të madhe në provincën Helmand. Ata kanë rritur sulmet në ditët e fundit ndaj bazave ushtarake afgane në disa provinca.
Javën e kaluar, gjashtë ushtarë afganë u vranë si pasojë e shpërthimit të një makine të mbushur me bomba. Talibanët kishin marrë përgjegjësinë edhe për këtë sulm.
Militantët talibanë vazhdojnë të kryejnë sulme që kanë për objektiv ushtrinë afgane dhe amerikane – edhe pse aktualisht janë në bisedime për paqe me të dërguarin e SHBA-së, për të ndërprerë konfliktin në Afganistan./ Opinion.al
