Futbollisti Fiorin Durmishaj ka sqaruar arsyet se përse zgjodhi kombëtaren greke dhe jo atë shqiptare. Sulmuesi 22-vjeçar thotë se Greqia e ka ndihmuar në karrierën e tij profesionale.
“Unë nuk mundem të mos e dua këtë vend, shokët e mi janë grekë, ata më kanë ndihmuar shumë dhe nuk më shikojnë si të huaj, siç ndodhte më parë. Erdha me familjen në Greqi në kohë shumë të vështira, dhe më ndihmuan, për këtë arsye unë dua ta nderoj këtë vend aq sa të mundem”, ka thënë për emisionin “Total Futboll”.
Kështu Fiorin Durmishaj ka ecur në gjurmët e Xherdan Shaqirit, Granit Xhakës, Blerim Xhemailit apo Valon Behramit, të cilët zgjodhën të luajnë për shtetin ku u rriten profesionalisht.
Megjithatë, Durmishaj ka luajtur më parë tetë ndeshje për kombëtaren U21 shqiptare, por kur ka ardhur momenti për të zgjedhur përfundimisht, ka zgjedhur kombëtaren helene./Opinion.al
