Presidenti i SHBA-ve, Donald Trump, ka urdhëruar një hetim ndaj planit të qeverisë franceze për vendosjen e taksave të kompanive të mëdha të teknologjisë.
Përfaqësuesit e Shtëpisë së Bardhë për tregtinë, janë shprehur se në plani i qeverisë prek në mënyrë të padrejtë dhe kompanitë amerikane.
Pritet që parlamenti francez do të miratojë një taksë prej 3% për të ardhurat e përfituara nga kompani si Google dhe Facebook brenda vendit.
Ndërkohë, qeveria e Parisit i bëri thirrje Uashingtonit për bashkëpunim dhe i kërkoi të heqë dorë nga kërcënimet.
“Besoj se mes aleatëve, ne mund të zgjidhim diferencat tona përmes mënyrave të tjera përveç kërcënimeve. Franca është një vend sovran dhe ndërmerr vendime të tilla lidhur me regjimin e taksave dhe do të vazhdojë ta bëjë një gjë të tillë”, tha Bruno le Maire, ministër i Financave.
Sipas qeverisë franceze, kompanitë e mëdha te teknologjisë kanë gjetur mënyra të ndryshme për shmangien e taksave në vendet në të cilat operojnë.
Sipas, kabinetit të “Parisit”, këto kompani janë në gjendje të zhvendosin selitë e tyre qendrore në shtete me taksa të ulëta, në mënyrë që aty të deklarojnë shumicën e të ardhurave, duke shmangur kështu pagesën e plotë të detyrimeve./ Opinion.al E.Xh.
