Këshilli Bashkiak i Tiranës do të mblidhet këtë të enjte ku do të vendosë për tarifat e reja për gjelbërimin por dhe të përdorimit të ambienteve sportive.
Sipas projektvendimit administratorët e pallateve do të përjashtohen nga taksa e pastrimit dhe tarifa e përkohshme arsimore.
Taksa e pastrimit ndahen në tre zona
Banorët në qendër do të paguajnë 5 mijë lekë (të reja) në vit, jashtë unazës 2 mijë lekë dhe në ish komunat 1 mijë lekë. Tarifa keto qe do të vendosen në faturën e ujit të pijshëm.
Po ashtu janë saktësuar dhe çmimet e përdorimit të ambienteve sportive. Për fushat e futbollit paguhet 400 lekë ( të reja) ora, të volejbollit dhe basketbollit 100 lekë në orë për person.
Sa u përket kalçetove tarifa është 150 lekë ora ndërsa ambientet me bar sintetik do të kushtojnë 125 lekë ora. Në projektvendim parashikohet dhe përdorimi i ambienteve shkollore që shkon në 5 mijë lekë ora.
