Kur na ndajnë më pak se një orë nga takimi i fundit i kësaj fushate të Partisë Socialiste, kryeministri Edi Rama ka ndarë me ndjekësit detajet e këtij tubimi përmbyllës.
Përmes një video-mesazhi, Rama ka bërë me dije se në takimin e mbrëmjes së sotme, do të jenë vetëm kandidatët për deputet të qarkut të Tiranës.
Kryesocialisti njofton se takimi përmbyllës i fushatës do të fillojë në orën 19:30.
Pjesë nga fjala e Ramës:
Ja dhe orët e fundit të këtij rrugëtimi erdhi, pas pak në 19:30 kemi Tiranën dhe vetëm Tiranën, të gjithë të tjerët kanë qëndruar nëpër qarqet e tyre duke bërë përgatitje e fazëz tjetër të procesit, organizimi, trupat e komisionerëve.
Ndërkohë, në 19:30, Tirana do t’i jap mesazhin e fundit të gjithë Shqipërisë dhe shqiptarëve kudo që ata ndodhen.
Më vjen shumë mirë që ka pasur një lëvizje domethënëse në ditë e fundit nga ana e atyre që i kishin mbetur pa i dërguar zarfat, numrat janë shumë inkurajuese, do shohim si do jetë pjesëmarrja, por pa diskutim që trendi qysh në krye të herës, na tregoi që do kishim një pjesëmarrje shumë të lartë….
