Kryeministri Edi Rama ka zbardhur takimin me presidentin Bajram Begaj.
Përmes një postimi në rrjetin social “Facebook” , Rama bëri të ditur se Begajt i paraqiti propozimin për emërimin e Vlora Hysenit, si drejtore e SHISH.
“Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ Kombëtar, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”, shkruan Rama.
